Juventusi nuk ia doli të largohej me tri pikë nga Franca pas barazimit 1-1 kundër Lille e sigurisht që në fjalët e trajnerit Thiago Motta ka nuanca pakënaqësie.
“Jam i kënaqur me paraqitjen, por jo me rezultatin.
Edhe pse u përpoqëm, nuk arritëm ta merrnim në shtëpi atë që donim.
Në fazën sulmuese duhet të kishim bëmë më mirë në 20 metrat e fundit, megjithatë në pjesën e dytë arritëm ta përmirësojmë cilësinë e lojës”.
Skuadra e Zhegrovës shfaqi cilësi të larta në fazën mbrojtëse, duke lejuar pak hapësira, siç theksoi vetë Motta:
“U përballëm me një ekip të sigurt, të cilin që në fillim mund ta shihnim se priste dhe synonte kundërsulmin.
Prandaj ishte thelbësore t’i ndalonim dhe të përfitonim nga lojtarët e gjerë, ku arritëm ta vëmë në vështirësi Lille.
Në pjesën e dytë, me kalimin e kohës kemi arritur ta ngremë qendrën e gravitetit dhe t’i lejojmë lojtarë si Yildiz apo Concencao të shfrytëzojnë aftësitë e tyre nga krahët. Jam i kënaqur me angazhimin e djemve në fushë, jam i lumtur me ndeshjen që luajtëm, por tani duhet t’i rikuperojmë energjitë, sepse ndeshja tjetër është derbi, një sfidë e rëndësishme”.
