Motta sheh gotën “gjysmë plot”, analizon Juventus pas humbjes 0-3 në miqësoren e parë ndaj Nuremberg
Aventura e Thiago Motta në stolin e Juventus nuk filloi në mënyrën më të mirë, pasi bardhezinjtw u mundw 0-3 nga Nuremberg në miqësoren e luajtur në Gjermani. Trajneri i Juventus vlerësoi performancën e lojtarëve dhe dëshironte t’i jepte skuadrës së tij një mesazh të fortë menjëherë pas fishkëllimës së fundit.
“Ndeshja është e mirë nëse merret në mënyrën e duhur.
Ne duhet të përmirësohemi shpejt dhe duhet të vazhdojmë të punojmë në të njëjtën mënyrë, me të njëjtin intensitet që kam parë ditët e fundit.
Pika pozitive e këtij kampi stërvitor kanë qenë ditët dhe puna së bashku nga stërvitja në stërvitje. Nga ndeshja në ndeshje duhet të përmirësohemi”, tha Motta.
Më pas ai shtoi: “Më pëlqyen të gjithë, mënyra se si punonin. Të tregosh një lojtar tani që doli më mirë se të tjerët nuk do të ishte gjëja e duhur. Më pëlqyen të gjithë. Do të shohim me kalimin e kohës se kush do të jetë në gjendje ta mbajë këtë nivel, cili do të jetë në gjendje ta ngrejë atë dhe të jetë në gjendje të qëndrojë me ne dhe të kontribuojë si në stërvitje ashtu edhe në ndeshje”.
“Mendoj se duhet dhe mund të bëjmë më mirë, por në përgjithësi, përtej rezultatit, kemi bërë përgatitje të mirë për gjithçka tjetër.
Ne mund ta kontrollojmë lojën më mirë, të kontrollosh veten do të thotë të luajmë topin më mirë dhe në gjysmën e fushës së kundërshtarit, të zgjerojmë këtë fazë të posedimit për t’u organizuar dhe gjithashtu ta lodhim kundërshtarin përpara se të gjejmë hapësirën ku mund të sulmojmë”, tha Thiago Motta.
Së fundi, ai lavdëroi Weah, i cili hyri si zëvendësues në pjesën e dytë kundër Nuremberg, dhe aftësinë e tij për të luajtur role të ndryshme në fushë: “
Nuk mendoja që ai të luante si mbrojtës i krahut, por nëse do të kemi nevojë për të ai është një djalë që ka treguar disponueshmëri të madhe. Ai ka dhënë disponueshmëri edhe si mbrojtës i krahut edhe si sulmues.
Kjo është e rëndësishme sepse na jep mundësitë për një shumëllojshmëri në zgjedhje dhe sot jam i kënaqur me atë që pashë tek ai”.
