Mason Mount është lojtari më i ri i Manchester United.
United do t’i paguajë Chelseat plot 65 milionë euro dhe 6 milionë euro të tjera në formë të bonuseve.
Pas prezantimit Mount u shpreh i lumtur me transferimin e tij në ‘Old Trafford’.
“Jam shumë i emocionuar që do të punoj nën Erik ten Hag. Nuk është kurrë e lehtë të largohesh nga klubi ku je rritur, por Man Utd do të ofrojë një sfidë të re emocionuese për fazën tjetër të karrierës sime. Mezi pres të jem pjesë e përpjekjes së këtij grupi për të fituar trofe të mëdhenj”, ishin fjalët e para të Mount si ‘Djaj i Kuq’.
24-vjeçari do të nënshkruajë një kontratë pesëvjeçare në “Old Trafford” me një opsion rinovimi për një vit tjetër.
Ai do të fitojë 250,000 funte në javë te United, potencialisht duke u rritur në 300,000 funte në javë në varësi të paraqitjeve.
Është një rritje gjigante e pagës për reprezentuesin anglez, i cili fitonte 80,000 funte në javë te Chelsea./Lajmi.net/