Pas një vere të kaluar duke refuzuar të gjitha ofertat që erdhën, Filip Kostic është gati të bëhet lojtar i Fenerbahçes së Josè Mourinhos. Anësori serb kalon te klubi turk në formë huazimi me të drejtë blerjeje të vendosur në 6 milionë euro. Rroga e Kostic do të paguhet e plotë nga Fenerbahçe.
Lojtari serb zbarkoi në Stamboll mbrëmjen e djeshme vonë dhe sot do t’i nënshtrohet vizitave mjekësore me klubin turk, përpara se të nënshkruajë kontratën dhe të bëhet zyrtarisht lojtar i skuadrës së trajnerit Mourinho.
Kostiç largohet nga bardhezinjtë pas dy vitesh me 88 paraqitje, 3 gola dhe 12 asistime. Pas një sezoni të mirë të parë, serbi nuk arriti të konfirmohej në të dytin, aq sa u konsiderua menjëherë jashtë projektit teknik të kursit të ri të Thiago Mottas.
Sipas uttosport, vetëm një telefonatë mes trajnerit portugez dhe tashmë ish-anësorit të Juventusit zhbllokoi marrëveshjen, duke e drejtuar Kosticin drejt anës aziatike të kryeqytetit turk.
