Fenerbahce ka arritur të marrë një fitore 2-1 ndaj modestëve të Hatayspor, me tifozët në prag të protestës kundër klubit të tyre duke pasur parasysh distancën nga maja (-8 nga Galatasaray). Dhe në fund të ndeshjes, trajneri José Mourinho u kap edhe një herë me gazetarët.
“Një fitore e rëndësishme që të lejon të qëndrosh -8 pas liderit Galatasaray”, tha një nga gazetarët e pranishëm në zonën mikse. Ish-trajneri i Interit dhe Romës është përgjigjur menjëherë: “Pse keni frikë të thoni të vërtetën? Nga se keni frikë në këtë vend?”. Referenca është ndoshta tek Galatasaray dhe penalltitë që i janë dhënë skuadrës së trajnerit Okan Buruk.
