Ishte një ndeshje shumë delikate për arbitrin La Pena ajo mes Interit dhe Fiorentinës. Rasti i parë i diskutueshëm ishte autogoli në favor të Interit.
Në fakt goditja këndore që provokoi këtë situatë nuk duhej akorduar, sepse Bastoni e ktheu topin në lojë pasi ai kishte përfunduar jashtë vijës fundore. Arbitrat në fushën e lojës gabuan që nuk e akorduan rivënien fundore në favor të Fiorentinës.
Por duhet thekuar se kjo është një situatë ku VAR-i nuk mund të ndërhyjë për të anuluar këndoren. Penalltia në favor të Fiorentinës ishte e drejtë, pasi Darmian, edhe pse nuk ka qëllim për ta prekur topin, e ka dorën të hapur duke shtuar vëllimin e trupit.
Megjithatë dyshimet sipas mediave italiane janë në zbatimin e protokollit të VAR-it, sepse prekja me dorë e Darmianit nuk është gabim i qartë dhe evident.
PANORAMASPORT.AL
