Ndeshja mes Realit të Madridit dhe Arsenalit ka pasur disa momente kyçe me protagonist gjyqtarin.
Në minutën e tretë, Realit i është anuluar një gol nga Mbape. I dukshëm pozicioni jashtë loje i sulmuesit francez të Madridit. (VIDEO)
Në minutën e 11-të, londinezët kanë fituar një penallti për një faull të Asensios ndaj Mikel Merinos. Pamjet kanë qenë të qarta, mbajtje e dukshme e mbrojtësit të Realit dhe penalltia ka qenë e dukshme në favor të Arsenalit, penallti të cilën Saka e ka shpërdoruar. Asnjë polemikë! (VIDEO)
GJASHTË MINUTA PËR NJË … OFFSIDE! – Shumë më e komentuar ka qenë penalltia e dhënë për Realin (23’). Mbape është “penguar” në zonë nga Deklan Rajs, i cili është ndëshkuar dhe me karton të verdhë. Janë dashur gjashtë minuta për ta sqaruar situatën, që pas verifikimit nga sistemi VAR është anuluar për pozicion jashtë loje të sulmuesit francez të Realit. Gjithsesi, nga komentet e moviolistëve në Spanjë, gjyqtari francez ka gabuar, pasi ai nuk duhej të kishte sinjalizuar penallti, pasi nuk kishte asnjë kontakt mes Rajs dhe Mbape. Po ashtu, ka rënë dhe kartoni i verdhë për mesfushorin e kombëtares angleze. (VIDEO) (VIDEO)
PANORAMASPORT.AL
