Luçiano Moxhi, ish-drejtuesi i Juventusit, ka lëshuar disa deklarata në mikrofonat e “Adnkronos” lidhur me merkaton. Duke u ndalur te lamtumira e Sandro Tonalit nga Milani për thuaje 80 milionë euro, ai deklaroi:
“Arabia dhe Anglia japin paratë, klubet rimëkëmben, por Seria A dhe kombëtarja jonë përkeqësohen. Në federatë nuk po marrin asnjë masë dhe nëse u kërkon llogari u duket çdo gjë në rregull. Ndërkohë, vuan kampionati, i cili ishte më i bukuri në botë deri pak vite më parë.
Nuk po them të ndalet lëvizja e lojtarëve, por fare mirë mund të vendoset një kufi për ata që zbresin në fushë. Përndryshe të rinjtë italianë nuk kanë zhvillime të veçanta dhe më pas kjo pasqyrohet në kombëtare. Rasti Tonali e bën të qartë: nëse rriten, shkojnë në Angli, por ja që futbolli italian po shkatërrohet nëse nuk merren masa”.
PANORAMASPORT.AL
