Mrekulli gjeorgjiane! Kvaratskhelia & Co. mundin Portugalinë dhe kualifikohen!
Gjeorgjia ka bërë surprizën më të madhe të këtij Europiani teksa skuadra e cila erdhi nga play-off i Ligës C në Ligën e Kombeve, ka siguruar një fitore historike 2-0 ndaj Portugalisë, duke u kualifikuar në turin tjetër në fazën me eliminim direkt të turneut.
Ekipi gjeorgjian, që pakkush e kishte llogaritur si faktor në këtë turne, kaloi shpejt në avantazh me Kvaratskhelian që në minutën e dytë të sfidës dhe pastaj u mbrojt me rregull, duke thumbuar me kundërsulme.
Nga një aksion i tillë i shpejtë erdhi penalltia me të cilën Mikautadze dyfishoi shifrat, duke e bërë fakt të kryer fitoren që i siguroi kalimin në turin tjetër që në pjesëmarrjen e parë në një Europian.
