Thomas Muller u desh të “dergjej” në pankinën e Bajernit gjatë duelit kundër Arsenalit, por protagonizmi i futbollistit 34-vjeçar u shfaq në zonën e prononcimeve. Aty ku fjala e lojtarit me numër “25” te Bajern Mynih u përqendrua te marrja e topit me dorë prej Gabrielit në zonë, duke e zhvendosur pa pikë problemi.
Myler ka shkuar me tej, duke goditur fuqishëm institucionin më të rëndësishëm të futbollit në Europë, UEFA-ën. Ai e akuzoi si një institucion që nuk di të ruajë njëanshmërinë, duke vazhduar më tej se UEFA është kundër klubeve gjermane: “Arbitri Nyberg pa gjithçka.
Gabim tepër naiv në këtë ndeshje nga ana e tij. Përtej situatës, ai gjen kurajën të flasë se nuk mund të jepet penallti, shkak të një gabimi fëmijëror. Ndoshta Matias Zamer ka pasur të drejtë kur pohonte se klubet gjermane trajtohen ndryshe në garat europiane, pa vlerësimin dhe korrektesën e duhur”, e mbylli Muller.
Është fakt se Glen Nyberg kishte gjykuar vetëm në një rast bavarezët, ndërsa gamën në arenën e futbollit europian e ka të kufizuar, edhe për shkak të moshës së tij sepse është 35-vjeç.
