Bajern Mynih do të jetë pa dy lojtarë për ndeshjen në shtëpi të Bundesligës kundër Haidenhaim.
Përveç Serzh Gnabrit, jashtë është edhe Manuel Nojer. Katër ditë pas humbjes 0-1 në kupë ndaj Bajer Leverkusenit, bavarezët vazhdojnë në Bundesligë. Skuadra e Mynihut do të presë Haidenhaim në “Allianz Arena” në javën e 13-të të kampionatit.
Siç njoftoi Vinsent Kompani në konferencë për shtyp, rekordmenët gjermanë do të duhet të bëjnë pa kapitenin e tyre Manuel Nojer. Sipas trajnerit belg, 38-vjeçari po ankohet sërish për probleme në brinjë. Kompani shpjegoi se Daniel Perec do ta zëvendësojë atë në portë. Sven Ulraich është rikthyer në stërvitjet ekipore këtë javë, por së fundmi ka munguar pothuajse katër javë për arsye personale. Gnabri është gjithashtu jashtë, Pavlovic është gati të kthehet në formacionin fillestar.
Serzh Gnabri gjithashtu nuk do të jetë në dispozicion të Bajernit sot: “Serzh nuk është aty”, theksoi “timonieri” 38-vjeçari. Anësori ishte jashtë ndeshjes kundër Borusia Dortmund javën e kaluar me probleme në gju, por arriti një rikthim afatshkurtër kundër Leverkusenit gjatë javës. Përveç Nojerit dhe Gnabrit, Bajerni do t’i duhet të bëjë ende pa Hiroki Ito, Zhoao Palhinja, Herri Kejn dhe Josip Stanisiç.
PANORAMASPORT.AL
