Hasan Hyseni është njëri ndër futbollistët më të dalluar në futbollin kosovar.
Prej vitesh, sulmuesi mitrovicas ka qenë në nivelet më të larta të futbollit tonë, kurse që nga edicioni 2022/2023 është pjesë e skuadrës së Prishtinës.
Me kryeqytetasit, Hyseni ka fituar trofeun e Kupës së Kosovës dhe Superkupën, duke qenë pjesë shumë e rëndësishme. Ndërsa, gjatë këtij edicioni, ai ka realizuar 8 gola dhe 6 asistime.
Kontrata e tij me skuadrën e Prishtinës tashmë ka përfunduar dhe palët ende nuk kanë zyrtarizuar ndonjë marrëveshje të re.
‘GazetaBlic Sport‘ mëson se ka 3 skuadra nga Superliga që duan shërbimet e tij, me njërën prej tyre që është inkuadruar Liga e Parë dhe po synon paraqitje sa më të mirë.
Mbetet të shihet se si do të rrjedhin gjërat tutje.
/GazetaBlic Sport/
