TIRANË- Kryeministri Edi Rama, ka reaguar në prag të sfidës së Shqipërisë kundër Italisë në Euro 2024, e cila luhet të shtunën në orën 21:00 në Dortmund.
Me një shkrim në “X”, shefi i qeverisë thotë se “Muri i Verdhë” i Borusias do të zëvendësohet nesër nga dallga kuqezi.
Sipas Ramës, “Shqipëria e ka fituar Europianin e saj dhe s’ka më asgjë për të humbur, prandaj cilidoqoftë rezultati i ndeshjes mbrëmja e nesërme do të mbetet jo vetë jo vetëm në historinë e futbollit shqiptar, po edhe në kujtesën e 10 milionë shqiptarëve”
“Natyrisht 50 mijë shqipe dhe 31 mijë azzuri në shkallët e arenës së Dortmundit nesër, ku i famshmi Mur i Verdhë i Borussias do të zëvendësohet për një natë nga Dallga Kuqezi e Shqipërisë🇦🇱❤️🦅Shqipëria e ka fituar Europianin e saj dhe s’ka më asgjë për të humbur, prandaj cilidoqoftë rezultati i ndeshjes mbrëmja e nesërme do të mbetet jo vetëm në historinë e futbollit shqiptar, po edhe në kujtesën e 10 milionë shqiptarëve”, shkruan Rama.
Kombëtarja e Shqipërisë ndodhet në grupin B dhe në drejtimin e trajnerit brazilian Sylvinho, përveç Italisë, do të përballet me Kroacinë dhe Spanjën, përkatësisht në datat 19 dhe 24 qershor/ abcnews.al
