U hodh shorti për fazën gjysmëfinale të kompeticionit më të vjetër në Spanjë, “Copa Del Rey”, me goglat që rezervuan dy përballje interesante.
Mallorca e Vedat Muriqit gjeti përballë baskët e Real Sociedad, me sfidën e parë që do të luhet në ishull. Mallorca vjen në këtë fazë pasi kaloi me sukses katalanasit e Gironas, ndërsa nga ana tjetër, Sociedadi mposhti në 1/16-at ekipin e Celta Vigos.
Ndërkohë, në takimin tjetër të 4-shes më të mirë, Atletiko Madrid që kaloi me vështirësi Sevillan do të ndeshet ndaj Athletic Bilbaon, me këta të fundit që eliminuan me një paraqitje fantastike skuadrën e Barcelonës.
Dueli mes dy skuadrave do të jetë interesant pasi “armata” e “Los Colchoneros” do të sfidohet nga vëllezërit Williams, me Inakin dhe Nicon në një formë të jashtëzakonshme.
Lexo edhe:
Miqësorja e parë e muajit mars, Shqipëria zyrtarizon kundërshtarin
Klopp surprizon dhe e mbyll me Liverpoolin: Lajm tronditës, por nuk kam më energji
Momenti për Asllanin, shqiptari për të “thyer” tabunë
“Inzaghi mes trajnerëve më të mirë të botës”, Tare: Inter si City dhe Bayern Munich!
Takimet e para gjysmëfinale do të zhvillohen më datë 7 shkurt, ndërsa ndeshjet e kthimit 3 javë më vonë. Si zakonisht, emocionet e këtyre përballjeve.
