Milani mori humbjen e dytë radhazi në miqësore, kësaj radhe kundër Juventusit me penallti. Gjithsesi Pioli nuk e shikon këtë si dështim, i cili pas sfidës u shpreh i lumtur nga paraqitja e skuadrës së tij.
Si ju është dukur Pulisiç?
Gjendja e tij fizike po përmirësohet. Ne kemi punuar vetëm për dy javë. Ai mund të luajë në të djathtë, në të majtë dhe në qendër. Është inteligjent dhe ka kualitet.
Nga ana tjetër ka mbërritur dhe Çukvueze.
Ne kemi pasur shumë bisedime këto kohë dhe kërkonim një lojtar me karakteristikat e tuh. Ai është i shpejtë, teknik, i fortë në situatat një kundra një dhe sulmon thellë. Ai më duket fiks si një sulmues krahu për mua, por nuk mund të them gjë deri sa të bashkohet në stërvitje.
Një mendim mbi Loftus-Çik?
Ai dhe Pulisiç janë stërvitur së bashku vetëm prej disa ditësh, por kanë karakteristika që mund të luajnë shumë mirë së bashku. Jam i lumtur se si ata po stërviten. Duan kohë që të adoptohen me skuadrën. Gjithsesi janë ende shumë gjëra që ne duhet t’i përmirësojmë.
Si e patë dyshen Leao-Pulisiç.
Ne kemi Leaon shumë të fortë në të majtë, Çukvuezen shumë të fortë në të djathtë dhe Pulisiç që mund të luajë shumë mirë kudo. Këto ndeshje janë mjaft të mira pasi na tregojnë gjendjen përpara startit të kampionatit. Ndeshja e radhës do të jetë shumë e vështirë. Çdo ndeshje na tregon diçka. Shpresojmë që në fillim të kampionatit të shkojmë në gjendjen më të mirë të mundshme.
PANORAMASPORT.AL
