Vllaznia përmbushi një 2 nga objektivat sezonal në këto javë, që ishin arritja në “Final 4” dhe kualifikimi në Kupat e Europës. Sot shkodranët mësuan edhe kundërshtarin e tyre në gjysmëfinale, e cila do jetë Egnatia e Rrogozhinës. Pas hedhjes së shortit, presidenti i kuqebluve Alban Xhaferi dha një intervistë për mediat ku u beri thirrje të gjithë tifozerisë shkodrane që të vijnë dhe ta mbështesin ekipin e tyre në “Air Albania”:
E vështirë të kalosh Egnatian? Nuk do e quaja ashtu. Për deri sa kemi ardhur deri këtu atëherë kemi ardhur me merita. Faktikisht na ka rënë të luajmë shumë shpesh kundër tyre këtë vit, madje kemi luajtur 3 herë brenda 1 jave. Skuadra është e përgatitur dhe do bëjmë maksimumin për të shkuar në finale. E respektojmë kundërshtarin por besoj se kemi potencialet e mundshme për të arritur finalen dhe për të vazhduar tek objektivi, titulli kampion.
Preferenca për kundërshtarin? Nuk kam pasur ndonjë preferencë, mendoj që secili ekip që ka arritur deri ktu e ka merituar “Final 4”-in.
Mendoj që puna e trajnerit është e ezauruar tashmë. Ai ka bërë disa ndeshje dhe ka arritur rezultate pozitive. Dua t’i falenderoj të gjithë që kontribuan deri në këtë moment, ku jemi kualifikuar për Kupat e Europës.
Unë i bëj thirrje të gjithë tifozerisë shkodrane dhe jo vetëm. Duhet të mbushim dhe ta mbështesin ekipin. Të bëhet një lojë dhe futboll i bukur. Ka shkodranë në Tiranë mjaftueshëm por do kemi edhe nga Shkodra.
SONI SALIHI-PANORAMASPORT.AL
