Portugalia luajti mirë kundër Francës, kundërshtar ndaj të cilit i mbylli në barazim pa gola 120 minuta e çerekfinales së Euro 2024, por në fund u dorëzua te penalltitë.
Rafael Leao nuk e fsheh zhgënjimin e madh për eliminimin nga Gjermani 2024, pavarësisht faktit që ndihet krenar për performancën e skuadrës.
“Krenari e madhe të jesh portugez për të gjithë atë që kemi bërë në Europian.
Qartësisht të zhgënjyer që nuk arritëm më tej, por me sigurinë se e ardhmja do të jetë e ndritur.
Me talentin dhe personalitetin tonë vumë në vështirësi çdo kundërshtar.
E shijova në maksimum këtë përvojë me një grup punë që e cilësoj si familje.
Një falënderim shkon për të gjithë portugezët që ishin përkrah nesh nga fillimi e deri në ndeshjen e fundit”, shkruan “ylli” i Milanit.
