Sevilja arriti të triumfonte edhe një herë tjetër në Europa League, duke fituar trofeun. I kënaqur padyshim është presidenti Pepe Kastro i cili ka folur në lidhje me suksesin e skuadrës së tij, por nuk kaloi pa u ndalur edhe te Barcelona.
Në një intervistë të gjatë për “MARCA”, presidenti Kastro u pyet edhe për çështjen “Negreira”, çështje për të cilën Barcelona po hetohet për shkak të dyshimit se ka paguar arbitrin, megjithëse katalanasit e hedhin poshtë.
“Për çështjen Negreira jam me të vërtetë i zemëruar. E kam thënë edhe më parë që një arbitër aktiv nuk mund të paguhet edhe nëse është vetëm anëtar i kolegjit të arbitrazhit. Ai nuk mund të kalojë pa u ndëshkuar. Nuk kam asgjë kundër Barcelonës por nuk mund të themi që nuk ka ndodhur gjë kur realisht diçka ka ndodhur.
Nuk mund të mashtrojmë njerëzit dhe t’i gënjejmë. Është një zhurmë që dëmton arbitrat dhe La Ligën. Sevilja ndihet e turpëruar kur shkon për të ngrënë me klube të tjera dhe kur na shohin si të egër”, u shpreh presidenti Kastro.
PANORAMASPORT.AL
