Paraqitja mbresëlënëse e “pancerave” në debutimin e Kampionatin Europian ka rritur pritshmëritë te tifozët e Gjermanisë.
Toni Kros me shokë do të kërkojnë të mbajnë të njëjtin “marsh” edhe me Hungarinë ditën e sotme. Mediumi i “eurosport” ka hedhur më shumë dritë se do të rreshtoj ekipin Nagelsman në vigjilje te duelit me kontigjentin e Marko Rosit.
PRAPAVIJA – Në porte nuk ka asnjë dyshim, Manule Nojer do të mbrojë sërish kuadratin e organizatorëve. Kuarteti i mbrojtjes po ashtu do të jetë i njëjtë. Kimish dhe Mitelshtad do të ndihmojnë nga krahët, ndërsa dyshja e qendrës përbëhet prej Tah-Rydiger.
MESFUSHA – Edhe pse u përfol gjatë ditës se djeshme se Andrish do të kalonte në plan të dytë, Julian Nagelsman është gati t’i besojë nga minuta e parë Andrish, përkrahë “maestros” Toni Kros. Paraqitja e mirë e Gyndoan e ka bindur trajnerin e Gjermanisë për të nisur si titullar, ndërsa do të jetë i rrethuar nga dy futbollistët më të shtrenjtë në përfaqësuese, fjala është për Xhamal Musiala dhe Florian Virc. U mendua se Leroi Sane do të fitonte terren ndaj mesfushorit të Barcelonës dhe Musiala do të merrte profilin e numrit “10”, por pak gjasa ka të ndodhë.
SULMI – Kai Haverc duket se e ka fituar duelin me Niklas Fylkrug. Më të kufizuara janë shanset për Maksimilian Baier.
PANORAMASPORT.AL
