Trajneri i përfaqësues gjermane Julian Nagelsman ka “skanuar” në konferencën për media rivalin e mbrëmjes së sotme, Hungarinë e Marko Rosit.
KUNDËRSHTARI – “Nuk mund të presim të njëjtin rival si në Kampionatin Europian. Hungaria sigurisht që do të mendojë më sulmuese, por në fund varet nga ne se sa do ta shtyjmë kundërshtarin. Ne kemi një njëmbëdhjetë startuese të ndryshme, por nuk kemi një skuadër krejtësisht të re”, tha Julian.
PRITSHMËRITË – “Mënyra se si ne luajmë të çon në një rezultat të mirë. Ndeshja e parë pas Kampionatit Europian është shumë e rëndësishme për të marrë me vete tifozët dhe momentin. Me qëllim nuk bëmë asgjë të re në kurs, sepse lojtarët vijnë nga përgatitja dhe gjithsesi i kanë kokat plot. Kemi shumë pak kohë për t’u stërvitur, kështu që ka të bëjë me konsolidimin e gjërave që kemi bërë më parë. Dua të shoh të njëjtin entuziazëm për dëshirën për të fituar ndeshjet”.
FORMACIONI – “Paskal Gros do të luajë, por ai nuk është Toni Kros, ai është Paskal. Niklas Fylkrug do të luajë për Ilkai Gyndoan, jo në pozicion dhe nuk do ta zëvendësojë as atë. Çdo lojtar duhet të bëjë atë në të cilën është i mirë. Kai Haverc do të luajë pak më tej në mesfushë, në varësi të situatës së lojës, ne mund të luajmë me epërsi të dyfishtë. Ne jemi shumë fleksibël në këtë drejtim”.
DORËHEQJET – “Ka katër lojtarë me përvojë që nuk ishin më atje, të cilët kishin një rëndësi të madhe, por ndryshimi është gjithmonë një mundësi e shkëlqyer për futbollistët e tjerë që mund të kenë mbetur prapa. Sigurisht që më përlotën sytë kur të katër thanë se po linin, por kështu është ndonjëherë në futboll”, përfundoi Nagelsman.
Përgatiti: SAIMIR MBËRSI – PANORAMASPORT.AL
