Kampioni i Italisë Napoli, u befasua në shtëpi nga Verona që i mori një pikë në barazimin 2:2, të luajtur në stadiumin “Maradona”.
Mysafirët tronditën vendësit kur shënuan dy gola në pjesën e parë, përmes Fresse (16’) dhe Orban (27’).
Kjo i vështirësoi punët te Napoli që startoi me Amir Rrahmanin si zakonshëm, por që bëri punë të mafdhe në pjesën e dytë duke përmbysur epërsinë e dy golave të mysafirëve.
McTominay në minutën e 54-të dhe Di Lorenzo në të 82-në i mundësuan napolitanëve një pikë nga kjo përballje, por që i prish punë në rrugën drejt mbrojtjes së titullit.
Napoli në vendin e tretë ka 38 pikë, po aq sa ka edhe Milani në vendin e dytë dhe një më pak se Interi lider, por që të dyja ekipet nga Milano kanë nga një ndeshje më pak.
