Shqipëria ka zhgënjyer mbrëmjen e sotme në “Air Albania” ku ka humbur me rezultatin 1-2 përballë Ukrainës, dhe zbret në grupin C.
Kuqezinjtë e Silvinjos shpresonin mbrëmjen e sotme që të merrnin tre pikët për të kaluar një grup më lart, por në fund ndodhi krejt e kundërta.
Ukrainasit na surprizuan që në fillim të sfidës, ku realizuan dy gola të shpejtë. Ishte Zichenko në minutën e 5-të dhe Yarenchuk në minutën e 10-të të cilët realizuan për ukrainasit.
Ndërkohë që Shqipëria pavarësisht se rriti presionin e lojës nuk mundi të realizojë në pjesën e parë.
Goli i kuqezinjve erdhi në minutën e 75-të, ku Bajrami realizoi saktë nga pika e bardhë e 11 metërshit, i fituar me meritë nga Uzuni.
Ndërkohë në ndeshjet tjetër të grupit B1 u mbylle 2-1 për skuadrën Çeke, të cilët e mbyllin aventurën në Natios League si të parët në grup.
