Bobby Charlton, legjenda e Manchester United dhe Anglisë, ka vdekur në moshën 86-vjeçare.
Charlton konsiderohet si një nga lojtarët më të mëdhenj të Manchester United ndonjëherë, duke shënuar 249 gola në 758 paraqitje midis viteve 1956 dhe 1973, shkruan lajmi.net.
Ai fitoi Kupën Evropiane me United në 1968, si dhe tre tituj të Kategorisë së Parë.
Fituesi i Kupës së Botës 1966 bëri 106 paraqitje për Anglinë, duke shënuar 49 herë, një rekord golashënuesi të cilin e mbajti nga viti 1970 deri në 2015.
“Me pikëllim të madh ndajmë lajmin se Sir Bobby ndërroi jetë paqësisht në orët e para të mëngjesit të së shtunës”, thuhet në një deklaratë nga familja e tij.
Karriera e Charlton-it në klub është më së shumti e lidhur me Manchester United, por ai gjithashtu luajti dhe drejtoi Preston North End.
Ata e kanë cilësuar atë si “një legjendë e vërtetë e lojës sonë”. /Lajmi.net/
