Pritej fitorja dhe ajo erdhi. “Katalanasit” e Barcelona kanë arritën të triumfonin në gjysmë-finalen e Superkupës së Spanjës, teksa në “KSU Stadium”, të Rijadit kanë mposhtur, me rezultatin e pastër, 2 me 0, duke arritur kështu, finalen e madhe të këtij kompeticioni, që do të zhvillohet mbrëmjen e 14 janarit, ndaj “Galaktikëve” të Real Madrid.
Pas kësaj fitoreje dhe në kuadër së “El Clasico”-s së ardhshme, ndaj “Los Blancos”, rivalëve të përjetshëm, një koment të shkurtër e bëri edhe teknikut Xavi, i cili u shpreh se pavarësisht se “madrilenët” janë më të fortë se sezonin e shkuar, djemtë e tij do të bëjnë atë që dinë të bëjnë më mirë, të kontrollojnë topin dhe dominojnë lojën në mesfushë.
“Duhet të japim më të mirën tonë. Reali është një skuadër më e fortë se vjet, por ne duhet të imponojmë lojën tonë. Të kontrollojmë topin dhe të dominojmë takimin. Rivali ynë ka ndryshuar sistemin e lojës, tani ata luajnë pa një numër nëntë. Bellingham është shumë i rrezikshëm, pasi luan në disa pozicione. Ndaj tyre duhet të bëjmë atë që dimë të bëjmë më mirë, të kontrollojmë ndeshjen”,- u shpreh tekniku i “Blaugranave”. /i.m /abcnews.al
