Skuadra shqiptare Deçiqi nga Tuzi përkundër lojës së mirë, nuk arritën fitore në takimin e kthimit ndaj TNS nga Uellsi.
Kampioni i Malit të Zi ka barazuar me rezultat 1:1 me TNS-n, në takimin që u zhvillua në Podgoricë.
TNS ka fituar ballafaqimin e parë ne 3:0 dhe me rezultat të përgjithshëm 4:1 kualifikohet në rrethin e dytë kualifikues të Champions League.
Në minutën e 15-të, Alen Mashoviq (Deçiq) kontrollon një top por goditja e tij u ndal nga shtylla e djathtë.
Në fund të pjesës së parë përkatësisht në minutën e 43-të, Brad Young ka shënuar me mjeshtri nga penalltia, 0:1.
Në minutën e 54-të, Bojan Matiq (Deçiç) shpërdoroi një rast ideal. Në minutën e 72-zë. Asmir Kajeviq nga afërsia ka dërguar goditje të fuqishme, topi ka qëlluar tërthorësen dhe futet brenda vijës së portës, ndërsa gjyqtari e ka pranuar golin pas konsultimit me teknologjinë VAR.
TNS kualifikohet më tej, ndërsa Deçiq eliminohet nga garat e Champions League dhe tani do të vazhdojë në Conference League.
