Lëvizjet e para në merkato kanë nisur te Barcelona. Ndonëse është herët për të folur për marrëveshje konkrete, lëvizjet tregojnë se vera do të jetë e ngarkuar në klubin blaugrana. Kjo qoftë në lëvizjet hyrëse, qoftë dhe në ato dalëse.
Duke qëndruar te lëvizjet hyrëse, lajmet i fundit nga mediat spanjolle pranë Barçës flasin për një afrim të klubit me sulmuesin e Napolit, Kviça Kvaratskhelia. Sipas gazetës spanjolle “Sport”, vendimi i Ksavit për të vijuar me ekipin deri në vitin 2025 ka ndryshuar dhe perceptimin e gjeorgjianit për Barcelonën.
Sipas kësaj gazete, sulmuesi ka autori zuar agjentin e tij që të flasë me Barcelonën për të parë mundësinë e një transferimi të mundshëm të tij te blaugranat. Në merkaton dalëse, një nga largimet e mundshme të ekipit mund të jetë kapiteni Serxhi Roberto. Për të ende nuk ka ndonjë rinovim në horizont, prandaj dhe vetë ai po sheh alternativa të tjera.
Të interesuarit nuk mungojnë. Një nga klubet që ka shfaqur interes për të është skuadra tjetër katalanase, Girona. Në pikëpyetje është edhe e ardhmja e Vitor Roke, i cili erdhi me aq bujë në janar. Klubi po mendon ta huazojë diku tjetër për të fituar më shumë eksperiencë.
PANORAMASPORT.AL
