Fjalët e fundit të Monkadës i kanë qetësuar kuqezinjtë, por rinovimi i Teo Hernandezit me Milanin deri në vitin 2029 nuk është një punë e përfunduar. Dhe një rrezik mund të shihet në horizont: Mançester Junajtid, në kërkim të një mbrojtësi të majtë me peshë ndërkombëtare për t’ia besuar Ruben Amorimit.
Francezi, i cili po luan me frenat e dorës ngritur këtë sezon, mendohet se është në listën e “Djajve të Kuq”, por nuk renditet në vendin e parë. Objektivi i vërtetë i anglezëve është Alfonso Dejvis, i cili mund të largohet nga Bajerni i Mynihut me parametër zero në qershor: kanadezi është ende duke negociuar një zgjatje të kontratës me bavarezët, por ka hapur edhe bisedimet me Junajtid.
Prandaj Milani po nxiton për ta mbyllur çështjen e rinovimit sa më shpejt: drejtuesit kanë një projektmarrëveshje me menaxherin (kontrata aktuale skadon në vitin 2026), por sirenat e Premier Ligës sigurisht që nuk e lënë indiferent 27-vjeçarin. Ky i fundit ishte i hapur për mundësinë e largimit nga Italia në verë: “Do të largohem apo jo nga Milani, do të shihet më vonë”.
PANORAMASPORT.AL
