Fitorja që Shqipëria mori ndaj Polonisë me rezultatin 2-0 në “Air Albania”, ka lënë një shije mjaft të hidhur në kampin polak pasi e shohin veten të rrezikuar për të mbetur jashtë Europianit.
Pas ndeshjes, ka folur mbrojtësi i Empolit, Bartoz Berezinski i cili u shpreh se ndihen të turpëruar pas kësaj ndeshjeje, duke shtuar se në sfida të tilla, duhet të dominojnë gjatë gjithë takimit.
“Thjesht me vjen turp. Është e vështirë të thuash diçka dhe nuk bëhet fjalë për sharjet në video. Të gjithëve duhet të na vijë turp për një takim të tillë. Nuk ka rëndësi nëse pësuam një gol të bukur apo nëse goli ynë u anulua.
Në ndeshje të tilla ne duhet të dominojmë dhe të krijojmë situata, dhe kjo nuk ndodhi as kur po humbnim 2-0. Në buzë nuk më vjen asgjë përveç turpit.
PANORAMASPORT.AL
