Fitimi i një medalje olimpike është ëndrra e çdo sportisti profesionist dhe ata që e arrijnë këtë, e shfaqin me krenari atë, për të vërtetuar arritjet e tyre. Por, medalistët e Olimpiadës Paris 2024 kanë treguar problemet e hasura me medaljet e marra, për shkak se cilësia e tyre lë shumë për të dëshiruar. Sportistët kanë zbuluar transformimin e medaljes.
Patinatori amerikan Nyjah Huston, i cili, para një jave mori medaljen e bronztë, me kthimin e tij në Shtetet e Bashkuara të Amerikës, tregon se si u bë medalja e fituar në Paris pa kursyer kritikat ndaj organizatorëve të evenimentit. Në medalje ngjyra e bronzit ka filluar të ndryshojë dhe të duken njolla ndryshku. Ai shprehet se cilësia e metalit nuk është aq e mirë aqs a trumbetonin organizatorët e kësaj olimpiade.
Sportisti amerikan tregon se deri më tani ai ka marrë 12 medalje ari, 4 argjendi dhe 3 bronzi në olimpiadat e ndryshe, dhe gjashtë medalje ari dhe 5 argjendi në Kampionate Botërorë. Dhe asnjëra prej medaljeve të marra deri tani nuk ka pësuar asnjë ndryshim.
