Paris SG-ja do të kërkojë të konfirmojë nisjen e saj të mirë në Champions, teksa shpreson në një tjetër sukses në takimin e dytë në grup kundër Njukasëllit. Trajneri i kampionëve të Francës do të gjejë një rival që nuk është i panjohur për të.
Në sezonin 1997-1998 në Champions, ai si lojtar i Barcelonës sfidonte Njukasëllin në një takim që katalanasit mundeshin 2-3 ku vetë Luis Enrike shënonte një nga dy golat e Barçës. Sonte në mbrëmje ai do të sfidojë Njukasëllin, por si trajner i Paris SGsë.
“E kujtoj si tani atë mbrëmje, ishte një atmosferë e përkryer. Kujtoj se kam shënuar, por goli nuk vlejti pasi ata na mundën. Kanë kaluar shumë vite dhe tani është tjetër histori. Gjithsesi, objektivi jonë është të fitojmë për të vijuar rrugëtimin tonë në një grup mjaft të vështirë.
Do të doja të isha sërish në fushë. Unë jam gati xheloz për lojtarët e mi që e kanë këtë shans të luajnë në kushte të tilla, me një atmosferë të tillë”, tha Luis Enrike. Trajneri i PSG-së konfirmoi se Mbape është gati dhe 100% për sfidën.
PANORAMASPORT.AL
