Me kërshëri pritet ballafaqimit (nesër,15.00) mes Dinamos së Ferizajt dhe Suharekës, në kuadër të javës së 20-të të Ligës së Parë të Kosovës në futboll, Grupi A.
Dinamo është lider me 37 pikë e ka dy më shumë se Suhareka në pozitën e dytë.
Ky është derbi i madh javës së 20-të.
Dinamo apo Suhareka, cila do të jetë në krye pas këtij derbi?
Presidenti i FC Suhareka, Rrustem Aliaj, pret lojë të mirë në Ferizaj.
“Dinamo nikoqir i Suharekës në Ferizaj.
Kampionati i ligës së parë javë pas jave po vije drejt fundit, renditja tabelare duke ndarë vendin e parë përkatësisht të dytin dhe objektivi i dy skuadrave për inkuadrim në Superligën e Kosovës e bën një ndeshje derbi të premten në xhiron e 20-të me fillim nga ora 15:00.
Djelmoshat e Suharekës janë të bindur për fitore me përgatitjet e fundit të zhvilluara besojnë se të bashkuar mund të ja dalim si President i klubit premtoj mbështetje maksimale në triumfin e radhës duke qëndruar pranë për çdo aspekt së bashku me kryesinë e klubit.
Pritet një lojë e fort e korrekte mes të dyja palëve që do tregojnë mentalitet të lartë e kulturë sportive:, ka shkruar Aliaj në profilin e tij në Facebook.
