Kombëtarja shqiptare e futbollit e vazhdon sot kampanjën kualifikuese të Kampionatit Evropian.
Kuqezinjtë do të përballen sonte me Çekinë në udhëtim me fillim nga ora 20:45, shkruan lajmi.net.
Qindra tifozë shqiptarë do të jenë të pranishëm në shkallët e stadiumit “Fortuna Arena” në Pragë.
Ndeshja ndërmjet Çekisë dhe Shqipërisë do të transmetohet drejtpërdrejt në Digitalb dhe TV Klan.
Kjo është konfirmuar edhe nga Federata Shqiptare e Futbollit me anë të një postimi në faqen zyrtare në Facebook.
Aktualisht Republika Ceke është e para në grupin E me shtatë pikë, një më shumë se Shqipëria.Tri ditë më vonë Shqipëria në Air Albania do ta presë Poloninë ku do të kërkojë fitore.
Dy vendet e para të secilit grup, kualifikohen direkt në Kampionatin Evropian ‘’Euro 2024’’./Lajmi.net/
