Oliver Zhiru ishte lojtari më i mirë në fushë, në barazimin 2-2 që Milani arriti në transfertë ndaj Napolit. Sulmuesi francez realizoi dopietë në pjesën e parë, teksa u shfaq i nervozuar në momentin që trajneri Pioli vendosi ta zëvendësonte duke hedhur në fushë Joviçin. Në prononcimin e dhënë pas ndeshjes, Zhiru sqaroi situatën duke deklaruar:
“I frustruar sepse humbëm 2 pikë. E kishim lojën në dorë, në pjesën e parë mund të kishim shënuar katër gola. Pjesën e dyte e dinim se ata do te ktheheshin ne sulm dhe e biseduam. Pas golit të tyre të parë nuk e dinim nëse duhet të mbroheshim apo sulmonin, kjo është e vërteta.
Te vjen keq, e rithem, sepse duhet te jemi ambiciozë, duhet t’i kërkojmë më shumë llogari vetes. Punojmë dhe stërvitemi për te zbritur në fushë dhe për të dhënë gjithçka.
Zemërimi pas zëvendësimit? Është normale, jam njeri, jo robot. Kam emocione, mendova se mund ta ndihmoja skuadrën. Trajneri ka bërë zgjedhjen e tij, kam respekt për të. Pas 5 minutash isha më i qetë. Nuk doja të lija fushën, doja të ndihmoja ekipin.
Vazhdoj te mendoj se jemi konkurrues si ekip, por duhet më shumë për të synuar titullin”, u shpreh Zhiru.
PANORAMASPORT.AL
