Juventus-Milan është kryendeshja e javës së 37 të Serisë A italiane, me dy skuadrat që kërkojnë fitore për objektivat sezonalë por edhe për lavdi sepse bëhet fjalë për një ndeshje që ka prodhuar gjithmonë luftë dhe polemika.
Kuqezinjtë kanë mundësinë të kalojnë matematikisht në Champions për sezonin e ardhshëm dhe 1 pikë do të ishte e mjaftueshme për ta, ndërkohë që shanset janë reale edhe për Juventusin që nëse fiton ndaj Milanit, shpreson në surprizën e javës së fundit.
Kuqezinjtë renditen në vendin e 4 me 64 pikë, 3 më shumë se Atalanta dhe 5 më shumë se Juventusi. Një pikë e mundshme, i jep Championsin Milanit por një humbje, vështirëson jo pak rrugën duke qenë se kuqezinjtë presin Veronën në shtëpi ndërsa Juventusi luan ndaj Udinezes në javën e fundit.
PANORAMASPORT.AL
