I larguar përfundimisht nga lufta për titullin kampion në Serinë A si dhe mosimpenjimi në Kupat e Evropës po bën që Juventus të mendojë më shumë për sezonin e ardhshëm, ku në plan janë rinovimet me disa futbollistë kryesorë.
Në javët e ardhshme Juventusi do të duhet të mendojë për rinovimet e atyre lojtarëve që do t’u skadojnë kontratat së shpejti. Janë 9 lojtarë në skuadër që duhet të konfirmohen para përfundimit të kontratave të tyre më 2025: Danilo, Shezni, Perin, Pinzolio, De Shilio, MeKen, Iling-Xhunior, Kieza dhe Kean.
Më urgjente është kontrata e Adrien Rabiot, e cila përfundon në qershor të këtij viti (si e Ruganit). Nëse francezi do të qëndrojë apo jo, kjo do të ndikojë gjithashtu në disa zgjedhje të merkatos së verës, me mesfushën që shfaqet si reparti me nevojën më të madhe për t’u forcuar.
Juventusi do të ishte gati t’i ofronte francezit një kontratë 2-vjeçare me vlerë 7.5 milionë euro në sezon, të njëjtën pagë që ish-lojtari i PSG-së merr tani. 29-vjeçari deri më tani nuk ka dhënë një përgjigje përfundimtare. Nëna-agjente e tij duket se është gjithmonë në kërkim të një alternative tjetër, pasi vetëm pak muaj më parë ishte një hap larg arritjes së marrëveshjes me Manchester United.
PANORAMASPORT.AL
