Ditët kalojnë dhe marrëveshja me Manchester United për Marcus Rashford nuk po arrihet, është logjike që Milani ka nisur të vlerësojë alternativat për profilin sulmues që ka kaq shumë nevojë Sergio Conceiçao.
Për drejtuesit e kuqezinjve, tregu i preferuar duket të jetë ai anglez (të mos harrojmë opsionin Walker) dhe më pas mund të gjendet mundësia e duhur te Chelsea ku Joao Felix është mes atyre që pritet të largohen nga skuadra londineze.
Portugez dhe nën menaxhimin e agjentit Jorge Mendes si trajneri i Milanit, ish-lojtari i Atletico Madrid po vuan të gjejë hapësirë te skuadra e Marescas dhe blutë do ta shesin atë pa shumë shqetësime.
Rashford mbetet ende objektivi i parë dhe nëse Joao Felix nuk transferohet diku tjetër deri në fund të janarit, në ditët e fundit të merkatos (mbyllet më 3 shkurt) Chelsea mund të hapet për një huazim me të drejtë blerjeje. Paga nuk është pengesë, 5.7 milionë neto në vit, ndaj nuk do të duhej një dorë nga blutë, gjë që e bën edhe më të realizueshëm operacionin.
