New York është ekipi i katërt gjysmëfinalist i play off-it në Konferencën e Lindjes, duke kompletuar kështu kuadrin në këtë kah të NBA-së. Skuadra nju-jorkeze fitoi sot 116-113 ndaj Detroit jashtë fushe.
Një ndeshje e ekuilibruar, ku të dyja skuadrat dueluan fort për fitoren. Të gjithë titullarët e New York realizuan mbi 10 pikë, ku u dallua Jalen Brunson me 40 pikë.
New York fitoi 4-2 serinë çerekfinale dhe në raundin tjetër do të përballet me Boston. Ndërsa gjysmëfinalja tjetër është ajo mes Cleveland dhe Indiana.
Ndërkohë, në Konferencën e Perëndimit gjithçka e hapur mes Denver dhe Clippers, me këtë të fundit që fitoi sot 111-105. Tri lojtarë të Clippers realizuan mbi 20 pikë (Harden 28 e Leonard me 27 pikë më të mirët).
Për Denver, Jokic realizoi 25 pikë por që s’mjaftuan. Emri i ekipit gjysmëfinalist do të përcaktohet nga ndeshja e shtatë çerekfinale, ndërkohë që të kualifikuar në gjysmëfinale janë Oklahoma e Minnesota.
Konferenca e Lindjes-Çerekfinale
(1) Cleveland – (10) Miami, (4-0)
(2) Boston – (7) Orlando, (4-1)
(3) New York – (6) Detroit, 116-113 (4-2)
(4) Indiana – (5) Milwaukee, (4-1)
Konferenca e Lindjes-Gjysmëfinale
Cleveland – Indiana
Boston – New York
Konferenca e Perëndimit-Çerekfinale
(1) Oklahoma – (8) Memphis, (4-0)
(2) Houston – (7) Golden State, (2-3)
(3) Lakers – (6) Minnesota, (1-4)
(4) Denver – (5) Clippers, 105-111 (3-3)
