Me kualifikimin drejt Champions League shumë afër, “dallëndyshet” e Newcastle United janë duke bërë gati planet për lojtarët që duhet të transferojnë në merkaton e verës, në mënyrë që të kenë një paraqitje dinjitoze në edicionin e radhës të Ligës së Kampionëve.
Sipas raportimeve të mediave gjermane, një ndër “të preferuarit” e teknikut, Eddie Howe për merkaton e verës është “fantazisti” hungarez i RB Leipzig, Dominik Szoboszlai, i cili ka një klauzolë prej 70 milionë eurosh në kontratën e tij dhe klubin nuk do të pranojë asnjë cent më pak.
Mirëpo, përveç klauzolës dhe çmimit standart për talentin 22-vjeçar, deri më tani nuk është raportuar për ndonjë lëvizje konkrete nga ana e anglezëve, teksa pritet konfirimi zyrtar i këtyre të fundit në grupet e Champions për sezonin e ardhshëm. /i.m /abcnews.al
