Nuk mbaron me Tonalin, Newcastle përsëri për shopping në Serie A.
Pasi siguroi shërbimet e Sandro Tonalit nga Milani për 80 milionë euro, Newcastle po përgatit një tjetër goditje të madhe në Serie A.
Në Angli Dushan Vlahovic ka shumë simpatizantë, duke nisur nga Arsenali, Manchester United e Chelsea, por ndërkohë duket se Newcastle është i fiksuar keq me serbin e Juventusit dhe në çdo dritare merkatoje nuk nguron që të tentojë për ta pasur të vetin.
Fakti që princi i Arabisë Saudite ka para për të shpenzuar, nuk është se kërkesa prej 80 milionë eurosh që ka pasur Juventusi edhe në verën që lamë pas e tremb.
Përkundrazi, ai për të provuar të joshë “zonjën e vjetër” e ka dërguar në 90 milionë euro ofertën për Vlahovicin, për ta bërë të vetin që në merkaton e janarit.
