Një mesfushor ital ian me një të kalu ar të turbullt po kalon në fokusin e Bajern Mynih. Transferim i mundshëm do të shkaktonte shumë diskutime. 24-vjeçari Sandro Tonali, aktualisht nën kontratë me Njukasëll Junajtid, festoi rikthimin e tij në verë pas një ndalimi dhjetë muajsh për baste të paligjshme. Siç raporton “Gazzetta dello Sport”, rekordmenët gjermanë janë një nga klubet që kanë në listën e tyre italianin.
Përveç bavarezëve, mësohet se është i interesuar edhe PSG-ja. Tonali nuk luan më një rol të domosdoshëm në Angli. Edhe pse ai ishte në fushë në 13 nga 15 ndeshjet e mundshme për “Qymyrxhinjtë”, ai ishte pjesë e njëmbëdhjetë startuese në më pak sesa gjysmën e tyre. Kjo dhe e kaluara e tij e “njëllosur” mund të bëjnë që Njukasëll të largohet nga mesfushori i tij qendror, pavarësisht se ka një kontratë deri në vitin 2028.
Vlera në treg ka rënë nga 60 milionë euro në 38 milionë euro. Italiani, i cili u transferua nga Milan te Angli vitin 2023 për rreth 63 milionë euro, shkaktoi tituj negativ kryesisht përmes basteve në ndeshjet e tij. Për të shmangur një dënim drastik, Tonali përfundoi terapinë dhe mbajti leksione me temën e varësisë nga bixhozi.
Mediat italiane raportuan se pa këto masa, Sandro do të përballej me një pezullim prej tri vitesh. Mbetet e diskutueshme nëse Bajerni do të nënshkruante seriozisht me italianin. Konkurrenca në mesfushën është tashmë e fortë me Joshua Kimish, Aleksandar Pavloviç, Zhoao Palhinja dhe Leon Gorecka. Por një shitje e Goreckës në janar bën sens dhe i hap rrugë kalimit të Sandro Tonalit në “Allianz Arena”.
Përgatiti: SAIMIR MBËRSI – PANORAMASPORT.AL
