Bajern Mynih do të përballet me Bajer Leverkusen në fazën e 16-të të Kupës së Gjermanisë. Kështu zbuloi shorti të dielën. Kjo do të thotë se bavarezët mund të përgatiten për një program të vështirë pas pushimit të ardhshëm ndërkombëtar.
Kompani-Bajern deri më tani ka dhënë rezultate fantastike kundër kundërshtarëve të supozuar më të dobët dhe ka fituar qartë shumicën e ndeshjeve të tyre. Megjithatë, u bë problematike kur erdhi përballë skuadrave që padyshim kishin nivelin për t’i bërë ballë Mynihut.
Në Bundesligë pati barazime ndaj Bajer Leverkusenit (1-1) dhe Eintraht Frankfurt (3-3), ndërsa në Ligën e Kampionëve humbje nga Aston Vila (1-0) dhe Barcelona (4-1). Kështu që ekziston paksa rreziku kur mendojmë për programin e futbollistëve të Bajernit nga fundi i nëntorit deri në fillim të dhjetorit.
– E para është Liga e Kampioneve më 26 nëntor kundër kundërshtarit ndoshta më të vështirë të mbetur, PSG-ja. Edhe nëse bavarezët mundin Benfikën e Lisbonës paraprakisht, një fitore kundër PSG-së do të ishte jashtëzakonisht e rëndësishme për të mbajtur gjallë shanset e tyre për të arritur në top 8.
– Katër ditë më vonë (30 nëntor) gjërat do të bëhen serioze për ekipin e Kompanis në Bundesligë kur të shkojnë në “Signal Iduna Park”. Te Dortmundi do bëjnë gjithçka për të marrë qoftë edhe një pikë, krahas situatës së vështirë ku ndodhen në tabelë.
– Loja që vijon më 3 ose 4 dhjetor padyshim ka edhe më shumë karakter luftarak. Më në fund po vjen ndeshja e Kupës ndaj Leverkusenit, ku një disfatë do të thoshte eliminim. Bajern e ka fituar për herë të fundit Kupën e Gjermanisë në vitin 2020 dhe nuk ka fituar në katër ndeshje kundër “Aspirinave”. Prandaj, një fitore këtu do të kishte një rëndësi të madhe.
PANORAMASPORT.AL
