Jhon Duran për Milanin? Kohët e fundit nuk kanë munguar thashethemet për të ardhmen e sulmuesit të lindur në vitin 2003 nga Medejin i cili militon tek Aston Villa që nga janari i kaluar.
Mëngjarashi kolumbian, fillimisht në Çikago në MLS dhe më parë në klubin ku ai lindi dhe u rrit në futboll, Envigado, tashmë po mendon të largohet nga Anglia. Shkaku është minutazhi i pakët (662 minuta) pavarësisht se ka zbritur në fushë 25 herë duke shënuar 4 gola. Huazimi është zgjidhja më e mundshme e momentit dhe kuqezinjtë po reflektojnë.
NË VERË – Nuk është mister që gjatë merkatos së verës së ardhshme Milani do të tentojë një emër të madh për sulmin. Xhonatan David i Lilës është profili më i komentuar, por befasia mund të jetë Joshua Zirkze i Bolonjës. Ai vlerësohet 40 milionë euro edhe sepse bolonjezët do të duhet t’i xhirojnë 8 milionë Bajernit.
Shifra është e lartë, por drejtuesit e “djallit” tashmë e kanë të sigurt sepse do të arkëtojnë 23 milionë euro të Atalantës për Sharl de Ketelaren, 3 nga Xhenoa për Zhunior Mssias dhe pothuajse 5 të Fenerbahçes për Rade Kruniçin, ndërkohë nuk duhet harruar se Bolonja i detyrohet kuqezinjve 12 milionë euro për kartonin e Aleksis Salmakersit.
PANORAMASPORT.AL
