Nga kategoritë e ulëta me ekipin e moshave të Realit të Madridit në kombëtare. Gjithçka ka ndodhur për 125 ditë.
Më 8 nëntorin e vitit 2024 ishte një mbrojtës i skuadrës së moshave të Realit të Madridit që erdhi për të ndihmuar ekipin e parë. Ishte thjesht për stërvitje, si shumë të tjerë. Por ai nuk u largua si shumë të tjerë. Që nga ajo ditë dhe deri tani ka pasur një rendiment spektakolar dhe ka marrë vendin e titullarit në ekipin e parë.
Madje i ka marrë vendin David Alabasë, i cili ka qenë i dëmtuar. Është një lojtar me fat, por jo shumë. Është një lojtar me shumë talent. Sepse vetëm fati nuk mjafton për të mbërritur në kombëtare. Interesant është fakti që Raul Asencio nuk ka luajtur asnjë minutë me ekipet e moshave të Spanjës.
Vetëm në vitin 2022 u grumbullua me ekipin e 19- vjeçarëve për stërvitje, por nuk luajti. Do të jetë pjesë e skuadrës së De La Fuentes për ndeshjen kundër Holandës në Ligën e Kombeve. Një mrekulli që vetëm ai e di si e ka bërë, falë besimit dhe përkushtimit maksimal në fushën e lojës si në stërvitje dhe në ndeshje.
PANORAMASPORT.AL
