Të enjten, Joshua Kimish ndoqi Manuel Nojer, Alfonso Dejvis dhe Xhamal Musiala, duke vazhduar kontratën e tij me Bajern Mynih. Megjithatë, ka ende punë për t’u bërë për menaxhimin sportiv të klubit, me Tomas Myler, Erik Daier dhe Leroi Sane, të gjithë jashtë kontratës në fund të sezonit.
“Sigurisht që ne po mendojmë për këtë, ne kemi folur tashmë me palët dhe do të kemi bisedime të mëtejshme. Unë dua që çështjet të zgjidhen përpara fazës vendimtare të sezonit”, tha anëtari i bordit të sportit, Maks Eberl, në një konferencë për shtyp të premten.
“Mendoj se kemi arritur marrëveshje me lojtarët kryesorë. Dhe tani ne kemi një lojtar shumë të veçantë si Tomas (Myler), një lojtar shumë të veçantë si Sane dhe një si Erik Daier, paraqitjet e të cilit na kanë dhënë çdo arsye për të menduar se si do të duket e ardhmja.
Ne do t’i kemi ato bisedime së shpejti, së shpejti për mua do të thotë në javët e ardhshme. Gorecka ka performuar shumë, shumë mirë që nga 1 shtatori dhe ka shfrytëzuar maksimalisht mundësitë e tij. Leon ka nënvizuar rëndësinë e tij, kështu që është një situatë e shkëlqyer për ne”, tha Eberl.
PANORAMASPORT.AL
