Simone Inzagi shpreson ta ketë Denzel Dumfrisin në dispozicion sa më shpejt, me holandezin që do të jetë shumë i rëndësishëm nga tani deri në fund të sezonit, përtej të cilit, megjithatë, ai rrezikon të mos e veshë më fanellën e Interit.
Negociatat për rinovimin e kontratës së holandezit që përfundon në 2025-ën kanë ngecur, siç raporton “Corriere dello Sport”. Klubi dëshiron t’i zgjasë kontratën për 4 milionë euro në sezon, por 27-vjeçari kërkon 5 dhe për momentin mes palëve nuk ka bisedime.
Nëse nuk do të ketë hapa para në negociata, largimi i Dumfrisit në verë duket i pashmangshëm, me Interin që nuk ka ndër mend ta humbasë një vit më vonë me parametër zero.
PANORAMASPORT.AL
