Juventusi është ende duke pritur për të përfunduar zyrtarisht marrëveshjen me PSG-në për të nënshkruar me Randal Kolo Muanin, në huazim për pjesën e mbetur të sezonit 2024-25, por parisienët duhet të shesin fillimisht një nga lojtarët e tyre aktualë të ekipit të parë që janë dhënë në huazim.
Kolo Muani ka përfunduar tashmë testet mjekësore në Torino, por bardhezinjtë nuk janë në gjendje të përfundojnë zyrtarisht marrëveshjen, pasi PSG tashmë ka arritur maksimumin prej gjashtë lojtarësh të ekipit të parë të huazuar në klube të huaja. Meqenëse
PSG nuk është në gjendje të huazojë më lojtarë të ekipit të parë, ata do të duhet ose të tërheqin një nga lojtarët e tyre, ose t’i shesin ata përgjithmonë në janar në mënyrë që të dërgojnë Kolo Muaninë te Juventusi. Sipas raportimeve, Ndur mund të jetë çelësi për zhbllokimin e transferimit, pasi një numër i klubeve të Serisë A thuhet se janë të interesuara për mesfushorin, i cili aktualisht është në huazim te Beshiktashi. Por cilët janë lojtarët e tjerë që mund të shesë PSG për të liruar Kolo Muaninë për Juventusin?
L’Equipe sugjeron se Uest Hem është afër marrëveshjes për të bërë të blerë përfundimisht Karlos Soler për një tarifë prej 20 milionë euro në janar, por shkarkimi i fundit i Lopetegit e ka komplikuar çështjen. Gjithashtu Huan Bernat mund të jetë një tjetër opsion për të zgjidhur çështjen Kolo Muani. Ai ka luajtur vetëm në 10 ndeshje për Vijarealin këtë sezon, dhe mund të rikthehet ose të shitet përgjithmonë diku tjetër këtë muaj.
Ekziston gjithashtu mundësia që Renato Sançez, i cili aktualisht është në huazim te Benfika, të shitet përgjithmonë në janar. Dy lojtarët e tjerë të PSG-së të huazuar në klube të huaja janë Nordi Mukiele te Bajer Leverkusen dhe Ksavi Simons te Lajpcig, por L’Equpie raporton se asnjëri prej tyre nuk pritet të rikthehet ose të shitet në janar.
PANORAMASPORT.AL
