Reali i Madridit ka mundur me lehtësi Getafen në “Coliseum” me një dygolësh të Hoselut duke marrë kreun në La Liga. Por fitorja ndaj Getafes ka qenë me kosto për Realin. E para ka qenë dëmtimi i Antonio Rydiger. Mbrojtësi ka shfaqur një problem në kofshë.
Trajneri Ançeloti nuk ka dashur ta dramatizojë situatën, duke nënvizuar se ai mund të rikuperohet për derbin ndaj Atletikos. Por gjithçka do të shihet sot pasi gjermani t’i nënshtrohet analizave më të detajuara.
Problemi tjetër që Ançeloti do të ketë kundër Atletikos është mungesa e Tçuamenit. Francezi është ndëshkuar me karton të verdhë me takimin e mbyllur, ndonëse situata ka qenë disi e paqartë që ka habitur dhe Ançelotin, gjithashtu i ndëshkuar me karton për protesta.
Tçuameni ka mbushur numrin 5 të kartonëve të verdhë dhe do të jetë një tjetër mungesë e madhe për Realin.
PANORAMASPORT.AL
