Nico Schlotterbeck i Borussia Dortmundit i është përgjigjur raportimeve për një interesim të Real Madridit për të, teksa ai angazhohet për një të ardhme me skuadrën gjermane.
Duke folur për Sky Germany, Schlotterbeck iu përgjigj lidhjeve të Real Madridit, duke thënë: “Në një moment, ndoshta do të tundohesha të shkoja jashtë vendit, por unë kam qenë këtu për dy vjet tani dhe jam identifikuar aq shumë me BVB-në saqë me të vërtetë dua të luaj këtu për sezonin e tretë, dhe ndoshta edhe të katërtin dhe të pestin, kështu që jam shumë i lumtur që jam në BVB dhe gjithashtu e shoh atë si një nder të caktuar.
“Unë jam i vetëdijshëm për [thashethemet që më lidhini me Real Madridin]. Në një moment, ne ndoshta mund të flasim për të, por deri më tani vetëm Borussia Dortmund luan një rol në mendjen time dhe mendoj edhe për vitet e ardhshme.”
/GazetaBlic Sport/
