Armando Broja tashmë prej muajsh është në qendër të merkatos.
Një luftë e ashpër po zhvillohet mes ekipeve të Premier League dhe Serie A për shërbimet e sulmuesit të Kombëtares.
Së fundmi është shtuar konkurenca për shërbimet e 22-vjeçarit. Milan përveç se duhet të mposhtë konkurencën e Evertonit, Southamton, West Ham dhe Ipswich, tashmë duhet të përballet edhe me Juventusit.
Sipas “Footitalia.com” bëhet me dije se “Zonja e Vjetër” kërkon sulmues krahu për sezonin e ri dhe Broja duket se përmbush kërkesat e bardhezinjve. Aktualisht nuk ka asgjë konkrete, por tashmë drejtuesit italianë po mendojnë për planin që duhet të bëjnë për t’i bërë ofertë Chelsea.
Fillimisht Juve kërkon ta marrë sulmuesin në huazim, por “Blutë” e Londrës dëshirojnë vetëm shitjen e tij. Ditë vendimtare do të jenë këto për Brojën, i cili duhet të vendosë për të ardhmen para startit të sezonit të ri.
