Tashmë nuk është mister që Milani kërkon mesfushorë qendre. Një tjetër profil interesi është edhe Junus Musah. 21-vjeçari amerikan sapo ka mbyllur sezonin te Valencia dhe mund të lirohet për rreth 20 milionë euro.
Shifra është e destinuar të ulet, pasi edhe vetë lojtari ka kërkuar largimin, pasi ka disa klube që e dëshirojnë.
Ndërkohë, “Sportmediaset” raporton se kuqezinjtë po reflektojnë pasi me afrimin e tij nuk do të kishte më hapësira për lojtarë që nuk i përkasin komunitetit europian.
Një nga dy vendet që i lejohet çdo klubi italian do të zihet nga Ruben Loftus-Çik ndaj mbërritja e Musah do të mbyllte çdo hapësirë për këdo tjetër pa pasaportë të një shteti të BE-së.
PANORAMASPORT.AL
Teilen:
